Cerkak Basa Jawa

Judul Cerkak        :Dudu Getih Pahlawan 
Ciptanipun dening:Tiwiek SA                  
Pangecap              :Panjebar Semangat     
Tanggal Pangecap: 16 November 2013    
Edisi:46                                                   


Dudu Getih Pahlawan⇐

 13 Januari 2018

Letnan Santosa pasukan macan loreng dipimpin mlebu wuwu.Nalika lakune pasukan lagi metu saka alas ing gumuk Gajah Mungkur,wis dipapag brondongan mimis saka serdhadhu mungsuh.Pasukan macan loreng sing babarpisan ora ngira bakal antuk serangan,kaget lan gugup kepati.Banjur males sabisa-bisa.Sakala,ing wengi atis iku dumadi pertempuran sing ora sababag.

Pasukane kalah posisi,Letnan Santosa cepet gawe putusan.Pasukane ditarik mundur,bali mlebu alas.Awit yen dibacutake cetha kaya sulung mlebu geni.Serdhadhu Landa sajake mikir-mikir yen kudu mbujug mlebu alas.Jer alas mono dadi wilayahe kaum gerilya. Ana anggota pasukan cacah telu dadi kurban.Salah sijining yaiku Sersan Munandar,sing dadi bau tengene Letnan Santosa.Rencanane kuwi wis ditata gandhing-gandhing.Strategine wis cukup werit,llan wondene mekso kejodheran.Mula ora aneh yen Letnan Santosa banjur ndumuk yen ing pasukane wis ketlusupan mata-mata.

Wancine wis kelewat bengi,swasana sepi,Letna Santosa nyusup ing dhaerah pendhudhukan.Wanci ngarepake subuh wis tekan Domasan,langsung njujug omah klinik.Lakune slamet ora konangan mungsuh.Letnan Santosa banjur thothog-thothog,let sadhela lawang dibukak.Sing mecungul wong wadon tuwa karo nyekel dimar ublik."Kula mbok,Santosa,"ujare karo mlebu tanpa nggatekake polatane maratuwane kang katon kaget.Sing dijujug senthong pribadi sing dhek patang sasi kepungkur ajeg kanggo andon asmara karo bojone.

Slambu senthong kabiyak.Kasentrong dimar ublik,katon ing ranjang kuwi Narmi turu mujung .Sing njalari getihe Santosa umob,Narmi turu ora ijen,nanging karo priya bule.Getih manas munjuk ing mbun-mbunane.Tanpa pikir dawa,Letnan Santosa nglolos pistule.Sadhela maneh krungu swara jumedhor kaping pindho.Getih abang muncrat saka tatune.Dudu getih pahlawan,nanging getih pengkhianat! Lan ora kobr sambat,lesane tinjo akherat!

Karo mlaku ninggalake omahe,Letnan Santosa duwe keyakinan.Narmi sing ditresnani iku ora dadi gedibal mungsuh yen tanpa pameksa lan ancaman.Ning uwal saka kuwi,patrape Narmi genah luput.Mula mung ukum pati sing pantes ditimpal!